情侶

好耐之前有一對一齊學泰拳嘅小情侶問
有冇情侶款嘅拳套鎖匙扣呀？
所以就做咗呢個款式，
佢哋買咗之後一人一隻掛喺背囊到。
今次畫呢幅畫，
其實糾結咗好耐，
主要係諗緊應唔應該幫糯米飯著番件衫
雖然我覺得我兩隻 characters 嘅性別都好彈性，
可以按劇情需要變做男或者女都得，
咁如果唔著衫，
大家會唔會 interpret as boys’ love 呢？
定係大家會 stereotype 咗粉紅色係女性化嘅顏色呢？
又喺度亂諗嘢喇...
兩個 characters 嘅姿勢都研究咗好耐，
明明想用兩隻拳套砌出一個心心圖案，
點解畫出嚟好似互相打緊對方一拳咁嘅?
定係... 呢個先係愛情嘅真實面貌呢？